တစ်ပိုင်းနဲ့ တစ်ပိုင်းဟာ အချိတ်အဆက်ရှိချင်တဲ့ အချိန်ရှိနေပြီး အချိတ်အဆက် ပျောက်သွားတဲ့ အချိန်ပျောက်သွားတယ်။
ဒါပေမယ့်လေ ကျမက ဒီစာတွေကို စာအုပ်ထုတ်ဖို့ ဒါမှမဟုတ် လူကြိုက်များဖို့ ရေးထားတာမဟုတ်တဲ့အတွက် ငါ့စာတွေက စာဖတ်သူကို စွဲဆောင်နိုင်ပါ့မလားဆိုတဲ့ ဖိစီးမှု ကျမ မထားထားပါဘူး။
အခုဆိုရင် ကျမ ကွာရှင်းထားတယ်ဆိုပေမယ့် သူနဲ့တူတူမရှိတော့တာ ဘယ်လောက်ရှိပြီလို့ ကျမ မတွက်ဖြစ်တော့ပါဘူး။ တွက်ထားဖို့လည်း မလိုအပ်တော့ပါဘူး။ သူပြန်လာမှာကိုတောင် ကျမကြောက်တတ်နေခဲ့ပြီ။ ကျမမှာ ရထားတဲ့ လွတ်လပ်မှုလေးတွေ ပြန်မရတော့မှာ ကြောက်လို့ပါ။ အဲဒီတော့ နောက်တစ်ယောက်ဆိုတာကိုလည်း ကျမ အဝေးဆုံးကနေ ကြိုရှောင်ပါတယ်။
ခုကျမ စာတွေရေးဖို့ကြိုးစားတယ်။ ရိုးရှင်းရှင်းစာလေးတွေပေါ့။ အရင်က စကားလုံးတွေ အများကြီးနဲ့ အလှဆင်ထားတဲ့ စာတွေ ကျမရေးခဲ့ဖူးတယ်။ အခုတော့ အဲဒီလိုစာတွေထက် ရိုးရှင်းတဲ့ ရိုးသားတဲ့ ရေးချင်တဲ့အကြောင်းကို စကားလုံးတွေနဲ့ ဖုံးမထားတဲ့ စာတွေပဲ ရိုးသားစွာရေးချင်တော့တယ်။
ဒီနေ့ကျမ မှတ်တမ်းတင်ထားချင်တဲ့အကြောင်းကတော့ ကျမ ဒီနေ့ကနေ နောက်ထပ်ရက် ၂၀ လောက်ပဲ ဒီမြို့၊ ဒီနေရာ၊ ဒီအိမ်မှာ ဆက်နေရတော့မှာပါ။ ကျမ အိမ်မက်တပိုင်းတစ်ဖြစ်တဲ့ ရန်ကုန်ရုံးကို အလုပ်ပြောင်းလုပ်ရတော့ပါမယ်။ အဲဒီနေရာကိုရဖို့ ကျမ အလုပ်တွေ အများကြီးလုပ်ပြထားရတယ်။ ရေးဖြေကို အစွမ်းကုန် ကြိုးစားဖြေခဲ့ရတယ်။ နှုတ်ဖြေကတော့ ကျမ နဂိုကတည်းက အလုပ်လုပ်ခဲ့တဲ့ အရှိန်လေးတွေကြောင့် တော်တော်လေး လွယ်ကူခဲ့တယ်။
တကယ်အလုပ်လုပ်တဲ့အချိန်ကျရင်တော့ လွယ်မယ် ခက်မယ် မသိသေးဘူးပေါ့။ ဒါပေမယ့် ရန်ကုန်ရုံးကိုပြောင်းရဖို့က ၂ လနီးနီးလောက်လိုသေးတဲ့အတွက် ကြိုတွေးပြီး ပူမနေပါဘူး။ သူ့ဟာသူဖြစ်သွားလိမ့်မယ်လို့မှတ်ထားလိုက်တယ်။
လောလောဆယ်တော့ ကျမဘ၀လေးကို ကျမကျေနပ်တယ်။ စာအုပ်တွေ ဖတ်မကုန်အောင် ကျမပိုင်တယ်။ (ပြင်သစ်နဲ့ အင်္ဂလိပ်စာအုပ်တွေပဲ အများကြီးဆိုတော့ တစ်အုပ်တစ်အုပ်ပြီးဖို့ တစ်နှစ်လောက် ဖတ်ယူရမှာမို့ပါ) ပိုက်ဆံတွေတော့ သုံးမကုန်အောင် မရှိဘူး၊ သုံးလောက်တဲ့ အနေအထားတော့ ကျမရှာနိုင်တယ်။
ဘာဖြစ်ဖြစ် ကျမကို အားပေးကြမယ့် သူငယ်ချင်းတွေနဲ့ မိသားစုတွေရှိတယ်။
အခုတော့ ကျမ လောကကြီးကို အကောင်းဘက်က တွေးနိုင်မြင်နိုင်စွမ်းတွေ ရှိလာပါပြီ။
ကျမကို ဒေါသထွက်အောင် ဖြစ်လာတဲ့ အဖြစ်အပျက်တွေကိုလည်း ဒေါသနဲ့ မတုန့်ပြန်ပဲ လှောင်ရီနိုင်လာပါပြီ။
တစ်စတစ်စ ကျမပြန်သန်စွန်းလာတာ ပြန်သန်မာလာတာကို ကျမမြင်နိုင်လာပါပြီ။
ကျမလဲကျရင် ကျမ အစွမ်းနဲ့ ကျမ ပြန်ထနိုင်ပါပြီ။
ဘယ်သူ့ကိုမှလည်း ကျမဘေးမှာ 24/7 မလိုအပ်တော့ပါဘူး။
ဒီအခြေအနေကို Dependency မရှိဘူးလို့ Humanitarian လောကမှာ သုံးပါလိမ့်မယ်။
No comments:
Post a Comment